يابنت ياللِّي تلبسين النَّقابي=كنَّ القمر في طلَّته عنك ماغاب
أنتي صوَّبتيني وخطرٍ صوابي= برموشك اللِّي كنَّها سيوف وحراب
لاواعذابي منك لاواعذابي=وجرح الهوى ماينفعه طبَّ الأطباب
حبِّك منعني مرقدي واسفابي=خلاَّني اعدِّي على كلَّ مرقاب
أسهر طوال اللَّيل من حرِّ مابي=الله يعين اللِّي لك اليوم طلاَّب
الزَّين كلِّه والحلا فيك رابي=بنت القصيم اللِّي لك الدِّين محراب
فيك العقل والدِّين وستر الحجابي=وفيك الحياء مع حسن الأخلاق وآداب
مستورةٍ ماتقبلين العيابي=لا يابعد نوره و تغريد ورحاب
إن قام حظِّي ياملاء واعتنابي=بنالي قصرٍ موَّله بنك يانساب
ومرَّ الحبيب اللِّي هويته وجابي=الصَّاحب اللِّي ظنَّنا فيه ماخاب
وان كان حظِّي مثل ظلَّ السَّرابي=ماباع لي ولااشترالي ولاجاب
يابنت ياللِّي تنقشين الخضابي=لاتتركيني بين سهَّاب نهَّاب
شيِّبت قبل الشَّيب باوَّل شبابي= ولو عارضي شيَّب ترى القلب ماشاب
حبِّي شرف واسلوب حبِّي إيجابي=عندي رومانسيَّه وتوجيه وعتاب
حبِّي وفاء مافيه أيِّ ارتيابي=طبعي كذا ياسيَّدت كلَّ الأحباب
طيفك لبسته مثل ماالبس ثيابي=وطاريك مدوِّخني وللفكر جذَّاب
كم ليلةٍ يمِّك خفوقي سرى بي=سرى بي الهوجاس مع خطَّ ديراب
وتاهت على درب المحبَّه ركابي=كنِّي غريبٍ تاه في ديرة اجناب
والحبَّ يصنع معجزاتٍ اعجابي=وبحر الهوى ماينقصه غرف الأكواب
مير اسمعي يابنت منِّي جوابي=قلبي تصوَّر لك عناوين وكتاب
لو تسمحين اقراي معاني كتابي=وتلقين معنى الحبِّ في جملة اعراب
وليا عرفتي موقعي من اعرابي=كود الدَّمع من جفن عينيك ينساب
تذكَّري رسايلي وانسيابي=وكلمة احبِّك تجعل طويق ينذاب
وانتي قلبك ياللأسف مادرى بي=وانااحسبنِّي صرت من بين الأهداب
يابنت لوطال الجفاء والغيابي =أبطي عليك وخاطري منك ماطاب
لوكان من دونك تحول الصَّعابي=مالك عنِّي وانا مالي عنك مجناب
عطيتك ارقامي وكشف الحسابي=وبدل مااشرب من اللَّبن صرت حلاَّب
ماشفت زولك في ذهابي وآيابي=واصبحت بين النَّار والغار والدَّاب
يابنت لو بقتي بحضرت جنابي=ماابوق عهدك دام لي شفَّ واعجاب
ماانساك لين يصير فوقي ترابي=والشَّاهد المعبود هو ربَّ الأرباب
نفسي معك لو تسكنين الرَّوابي=تجري معك بالدَّم ومن بين الأعصاب
وانتي معي لوكنت فوق السَّحابي=أحرسك بالعينين والقلب دولاب
إن كان منك الودَّ ورايك صوابي =رايك تمشِّينه على كلَّ الأقراب
وان كان منك الصَّد جاك العتابي=عندك خبر حبَّي وتحليل الأسباب
بسَّ اطلبك يابنت بآخر خطابي=لا تقتليني حيِّ من صكَّت الباب
الرئيسية 
المشاركات
الْعُمْر
نقآط التميز|
السٌّمعَة
