موضوع: هكذا حلت مشكلتي يوم امتحاني.. الجمعة مارس 29, 2013 5:30 am
رايحة نكون ثالث مشاركة في هذا الموضوع الرائع والهادف
ونحكيلكم كيف حلت مشكلتي يوم امتحاني
*-*-*-*-*-*-*-*-*-*-*-*-*-*-*-*-*
انا كنت نحب لقراية بزاف ومنسمح لحتى حاجة تعطلني عليها جبت الباك بمعدل مليح وكنت سيونتيفيك لكن الأقدار شاءت اني نقرا فالجامعة إعلام رضيت بالأمر الواقع وقريتها
فالسنة الثالثة وتحديدا أيام امتحانات السداسي الأول كنا نفوتو الامتحانات يوم على التمنية تع الصباح ويوم على الساعتين تع لعشية لمدة 17 يوم لأنو المواد كانو 13 ( ربي يبارك هههههههه) فوتت المواد كامل عادي في اليوم الأخير (اللي عليه الضرب هههههه) فطنت الصباح بكري وقعدت نريفيزي شوية قبل ما توصل الطناش 12 (بارسكو على الطناش 12 نهز الـbus باش نروح للجامعة)
مبعد رويت خويا معايا قتلو دوك تديني توصلني للجامعة نحكي مع الشيخ نلقى لبنات صحاباتي عيطولي قالولي رانا حكينالك مع لبروف وقالنا لازمها تجيب justification بلي كانت مريضة فالسبيطار وإلا الله غالب معندي ما نديرلها وقولولها تجي نحكي معاها تلقاني في لاصال 32
هنا قالي خويا وش تروحي ديري كتر من هكا مكلاه تشقاي
الليلة هديك فوتتها تقول راقدة عالجمر نتقلب نتقلب فالفراش ودمعتي محبستش نيماجيني في روحي نهار لافيشاج .... آمنة = 0 فالتسويق كاااارثة على كافة الأصعدة المهم الصباح رحت تلاقيت مع البروف قالي انتي هي اللي ... قتلو أنا هي اللي .... ايه ههههههه قالي وانتي علاه مجيتيش للامتحان كنتي مريضة؟ اهنا بدا الشيطان يلعب يلعب براسي قلت نكدب عليه نقلو كنت مريضة؟ كيفاش بعد مبعد قلت نقلو الصدق وكيما جات تجي
ايا قتلو : والله يا أستاذ مكنتش مريضة انا في بالي الكونطرول لعشية عليها مجيتش الصباح
اتصورو وش قالي: قالي: ايه ام قالولي صحاباتك
هنا دارتلي الرعشة ووجهي شقر قلت بيني وبين روحي : واش كون كدبت عليه؟ ماشي تبهديلة وحصلة au même temps
مبعد قالي: والله يا آنسة معندي مراح نديرلك غير لاكان جبتي جيستيفيكاصيون بلي كنتي مريضة ديجا قوليلي انتي مالفة تحضري لي كور تع إدارة الأعمال والتسويق؟ قتلو: ايه وبانتظام
وصدف أنو كان هاز معاه قائمة الطلبة لي يحضرو الكور (الدرس) قالي دوك نفيريفي كي فيريفا لقاني راطيت غير الكور لول برك
قالي ما شاء الله راكي مواظبة
وهنا سكت شوية وقالي: خليني الليلة نفكر في حل يرضي جميع الأطراف (اللي هوما أنا وهو والإدارة) وغدوة ارواحي للكور عادي ونشوفو
بيان سير القصة تع غيابي على الامتحان انتشرت بين الطلبة كالنار في الهشيم وكل دقيقة يجيني واحد ولا وحدة يعزيوني تقول مت هههههههههه
غدوة جيت للكور كيما قالي وظهر الغاشي كامل حابين يقراو وهوما غير باش يقرعجو كيفاش رايحة تكمل لحكاية ههههههه
كي دخل عيطلي قالي راني لقيت حل بصح بشرط يبقى سر بيناتنا راني رايح نعطيك النسخة الأصلية من نفس الامتحان لأنو لي فوطوكوبي خلاصولي (الله الله ختكم جاوبت فالأصلي ههههههههههههه)
مبعد قال للطلبة: مكانش ليوم درس تقدرو تتفضلو (باش زعما نبقى انا نفوت الامتحان وهو يعس عليا)
سع واحد ما حب يتفضل تما جى عندي قالي انتي جاوبي براحتك ومارسي الرقابة الذاتية وانا راني في قاعة الانترنت منين تكملي جيبيلي الورقة وراح
هنا تيقنت بلي الصداقة كنز لا يعوض كون معاونونيش صحاباتي منلقاش كيفاش ندير [size=25]وبلي الصدق ينجي أكثر من الكذب
ما نتمنى لحتى واحد ولا وحدة يطيحو في موقف كيما هدا انا الأستاذ كان ناس ملاح وعاوني وإلا ربي وحدو يعلم واش كان صرا فيا يتقطعلي عرق je pense ههههههههههههههه [/size]
الرئيسية 
المشاركات
الْعُمْر
نقآط التميز|
السٌّمعَة
ومنسمح لحتى حاجة تعطلني عليها 
)
دوك نشكيو للإدارة؟ 
وكيفاش علابالك بالأسئلة؟ 
