........مايكل مازال حى .... أرجو التثبيت لأنه يستحق

الموضوع ببساطة ان نهاية مسلسل بريزون بريك ما اقنعتنيش خالص ... ففكرت ان
ممكن انها تكون خدعة من كتاب المسلسل و فعلا بدأت احس ان احداث كتير بتأيد
ده


اقرا الموضوع كلـــــــــــــــــــــــــــــــــــــــــــ ـه لاخر سطر و اؤكدلك انك ان شاء الله هتقتنع 100%


اولا موت مايكل لم يؤكده اى شئ خالص

* حد فاكر فيرو*-تم الحذف. كلمة غير محترمة لا يسمح بها في هذا المنتدى-*ا ماتت ازاى فى الموسم الثانى
* حد فاكر خطيب فيرو*-تم الحذف. كلمة غير محترمة لا يسمح بها في هذا المنتدى-*ا وابوه مات ازاى فى الموسم الاول
* حد فاكر عميل الكامبانى العجوز اللى كيرلمان رماه فى البير مات ازاى الموسم الاول
*حد فاكر صاحب كيرلمان مات ازاى الموسم الاول
* حد فاكر ابو مايكل و لينك مات ازاى الموسم التانى
* حد فاكر جون ابروزى مات ازاى الموسم التانى
* حد فاكر السجين المجنون مات ازاى الموسم التانى
* حد فاكر السجين اللى كان اسمه تيرنر تقريبا اللى قتله ماهون فى الجزء التانى
* حد فاكر كريستينا سكوفيلد ماتت ازاى الموسم الرابع

وغيره و غيره وغيره كتيير ......... كل المشترك فى كل اللى ماتوا انهم ماتو موته مؤكده لا تدع مجال للشك

اربع مواقف بس فى المسلسل كله اللى موتتهم جت مش مؤكده

اولا : فى الجزء الثانى لما بول كيرلمان اطلق النار على الكسندر ماهون فى
النفق عشان يساعد الاخوين على الهروب بعد ما انقلب على الكامبونى .... ولكن
المفاجأه اننا بعد حلقه لقينا الكسندر ماهون لسه عايش

ثانيا : الجزء التانى لما عربية نقل السجن اللى كانت ناقله بول كيرلمن
اتفتحت و جه ناس ملثمين و اطلقوا الرصاص .... ولكن المفاجأه تتكرر و
كبرلمان لسه عايش الموسم الرابع فى اخر حلقه بعد غياب موسمين

ثالثا : موت ساره تانكريدى الموسم الثالث و اللى حاولوا يأكدوا بشده بعد ما
لينك شاف بنفسه الراس على الحقيقه مش مثلا فى صوره .. يعنى المفروض
المشاهد يتيقن ان ساره ماتت لان مش معقول لينك مش هيعرفها ....... ولكن
المفاجأه تتكرر للمرة التالته و ساره حية و تعود فى الموسم الرابع

رابعا : الجزء الرابع و موت مايكل سكوفيلد ....


هل فى حاجه واحده تؤكد موت مايكل ... لا

* المشهد اللى شفناه هو الباب الخلفى للسجن و موسيقى حزينة ... هل ده معناه ان بطل المسلسل مات

* سارة لم تكن قريبه حتى من مايكل .. كل ما رأته هو شرارة و دخان

* جثة مايكل لم تظهر ابدا ... و القبر كان مجرد رمز وليس بداخله جثه (( زى
قبر كريستينا سكوفيلد اللى مايكل و لينك كانوا بيروحوا يحطوا عليه الورد كل
سنة و بعدين اكتشفنا ان كريستينا لسه حيه )) , و (( زى قبر ستيدمان فى
الجزء الاول لما الشركة حاولت توهمنا انه ميت ))

* كلنا شوفنا العملاء الفدراليين و هما بيدخلوا النفق فى نفس لحظة ايصال
مايكل للكابلات ... اليس من الممكن انهم انقذوه , شدوه بعيد , عالجوه حتى
من الصدمة



---------------------------------------------------




من الملاحظ ان محدش عجبه نهاية بريزون بريك
من الملاحظ ايضا ان الكتاب بتوع المسلسل مبدعين ... يا جماعة ده مش مسلسل
اجتماعى لا ده مسلسل عن هروب , ومش زى لوست خيال علمى بحت (( انا من اشد
معجبين لوست على فكره )) لا ده كل شئ منطقى و سهل تفسيره ... على الرغم من
بعض الاخطاء -لكل عالم هفوة والكمال لله وحده-

اذن الكتاب اكيد عارفين ان ده هيزعل الجمهور ومش هينهوا مسلسل عظيم و جهد رائع بحركة زى دى

----------------------------------------------------

كلنا سمعنا عن وجود جزء خامس من بريزون بريك و تضارب الاقاويل ان كان مايكل
هيشارك و لا لا ... والغموض حولين مشاركة مايكل ده طبيعى لانهم مش معقوله
هيحرقوا الفكرة من دلوقتى و بقولولك مايكل عايش


-----------------------------------------------------

توقعاتى ببساطه
1- ان مايكل حى
2- فى اخر لحظة توصل لفكرة يقدر بيها يوصل الكابلات بطريقة تكون الصدكة فيها مش مميتة
2- ان الصدمه الكهربائيه المخففة دى كانت غير كافيه لموته و لكن كافيه لمعالجته من الورم الدماغى اللى عنده ..
3- والعملاء دخلوا فى اخر لحظة و انقذوه
4-لكن اخفوا خبر انه حى لفترة ( اربع سنين ) حتى لا يتم تهريبه و تتكرر المشكلة
5-ولكن يكتشف لينك و سارة و سوكرى و ماهون ذلك فى الموسم الجديد و يتم تهريبه

وبكده يبقى احسن واروع نهاية للمسلسل



((((((( نقطة كمان ملاحظين اللى اتكتب على افيش الفيلم ...prepare
yourself for the truth ..... الفيلم ما كانش فيه اى حاجه تنطبق عليها
الجملة دى , ده لانها تنطبق على الموسم الجديد و هو ان الحقيقه ان مايكل لم
يمت )))))))))